Ticker

6/recent/ticker-posts

Otha Seruppu Size7 Movie Review

ஒத்த செருப்பு - விமர்சனம் :

ஒரு கொலை தொடர்பாக விசாரணைக்கு காவல் நிலையம் கொண்டு வரப்படும் மாசிலா மணி ( பார்த்திபன்) மற்றும் அவரது மகன் , அந்த கொலையை பார்த்திபன் தான் செய்தாரா ? இல்லை வேறு யாரேனும் இதில் மாட்டி விட்டார்களா ? என அவரிடம் விசாரிப்பதே இந்த ஒத்த செருப்பு படத்தின் கதை.

பார்த்திபன் மாசிலாமணி யாக தனி ஓர் ஆளாக காட்சிகளில் வேறு யாரும் தோன்றாமல் தான் மற்றும் இடம்பெற்று கதையை சுவாரசியமாக நகர்த்துவதில் மற்றும் நடிப்பில் தான் வித்தகர் என்பதை நிரூபித்து உள்ளார்.

தனக்கே உரித்தான நக்கல் , வசனங்கள் மற்றும் நடிப்பு மூலம் கைதட்டு அள்ளுகிறார்.
உதாரணமாக நைட் தூங்காம என்ன பண்ணுவீங்க என்று கேட்பதற்கு ' முழிச்ட்டு இருப்பேன் என்பதாகட்டும் , மகனின் மீது பாசத்தை வெளிப்படுத்துவதாகட்டும் , மனைவியின் உடனான அன்பை வெளிப்படுத்துவதாகட்டும் நடிப்பிலும் மிளிர்கிறார்.

பார்த்திபன் மட்டுமே தெரியும் கதையில் பின்னணி ஒலியாக வரும் பார்த்திபனின் மனைவி உஷா, மகன் மகேஷ், உதவி மற்றும் துணை ஆய்வாளர்கள் , ரோஸி கான்ஸ்டபிள், மற்றும் மருத்துவ பெண் கதா பாத்திரங்கள் கதையோடு ஒன்றி அவர்கள் இருப்பது போலவே உணர வைக்கிறது.

கதை மற்றும் திரைக் கதையுடன் , ராம்ஜி ஒளிப்பதிவு, ரசூல் பூக்குட்டி ஒலி அமைப்பு, சத்யாவின் பின்னணி இசை மற்றும் சுதர்ஷனின் எடிட்டிங், பின்னணியில் பேசும் கதா பாத்திரங்களின் சூழ்நிலையில் நாமும் இருப்பது போல உணர வைத்ததில் பெரும் பங்காற்றி உள்ளது.

சில இடங்களில் நாடக தன்மை இருந்தாலும் , மொத்தத்தில் இந்த ஒத்த செருப்பு சினிமா ரசிகர்கள் கொண்டாட வேண்டிய படைப்பு.
(4/5)

தவறாமல் திரையில் பார்க்கவும்

Post a Comment

0 Comments