K.D (aka) Karuppu Durai Movie review

கே டி (எ) கருப்புதுரை விமர்சனம் :

வாழ்வின் இறுதிக் கட்டத்தில் நோயால்  மரணத்துடன் போராடி கொண்டிருக்கும்  கருப்புதுரையை மகன் மற்றும் உறவினர்கள் சேர்ந்து முடிவெடுத்து அந்த கிராம வழக்கப்படி கருணை கொலை செய்ய  நினைக்கிறார்கள், இதையறிந்து யாருக்கும் தெரியாமல் வீட்டை விட்டு வெளியேறும் கருப்புதுரை, கோவிலில் தஞ்சம் அடைந்து இருக்கும் குட்டி எனும்  ஓர் சிறுவனுடன் நட்பாகி வாழ்வின் மீதி காலத்தை நோக்கி செல்கிறார் , இதற்கிடையில் சொத்துக்காக கருப்புதுரையை தேடுகிறார்கள் , அவர்கள் கருப்புதுரையை  கண்டு பிடித்தார்களா ? தாத்தா  மற்றும் சிறுவனின் வாழ்வில் அடுத்து என்ன நடந்தது என்பதே இந்த கே டி (எ) கருப்புதுரை!

கருப்புதுரையாக மு .ராமசாமி மற்றும் குட்டியாக சிறுவன் நாக விஷால் இருவருக்கு இடையேயான நக்கல் , சந்தோசம் , பாசம், தேடல் , வாழ்க்கை பயணம் அனைத்தும் மண் மணம் மாறாத கிராமத்து அழகு !

அதிலும் சிறுவன் நாக விஷால் அடிக்கும் லூட்டி மற்றும் தாத்தாவின் ஆசையை நிறைவேற்றுவதில் எடுக்கும் முயற்சி என கொள்ளை கொள்கிறான் அனைவரின் மனைத்தையும் !

மேலும் மற்ற கதா பாத்திரங்களான டீ மாஸ்டர், தாத்தாவின் நண்பன் மற்றும் முன்னாள் காதலியாக வரும் பாட்டி, மகளான கேபி , கூத்து கட்டும் முத்து அனைவரும் இயல்பான நடிப்பில் கதையுடன் பொருந்துகிறார்கள் .

கார்த்திகேயன் மூர்த்தி மெல்லிய இசை இனிமை   , மெய்யேந்திரன் ஒளிப்பதிவு கிராமத்து வாழ்வியலை  மற்றும் அழகை கண் முன் கொண்டு வந்து நிறுத்துகிறது !

 வாழ்வின் இறுதியில் இருக்கும் பெரியவர் , வாழ்வின் ஆரம்பத்தில் இருக்கும் சிறுவன் இவர்களுக்கு இடையேயான வாழ்க்கை பயணத்தை , இயல்பான வசனங்களால் மற்றும் கிராமத்து வாழ்வியலுடன் அழகாக கொடுத்து இருக்கிறார் இயக்குனர் மதுமிதா.

மொத்தத்தில் இந்த கே டி (எ) கருப்புதுரை சில இடங்களில் நாடக தன்மை இருந்தாலும், அழகான , எளிமையான,  பயணம் மற்றும் அனுபவம் !

தவறாமல் பார்க்கவும் (4/5)