Ticker

6/recent/ticker-posts

Hero Tamil Movie Review

ஹீரோ விமர்சனம் :



கதைக்களம் 

நாம் பின்பற்றும் கல்வி முறை - அதில் உள்ள அரசியல், கார்பெரேட் கம்பெனிகளின் ஆதிக்கம், பெற்றோர்கள் தங்கள் குழந்தைகளின் மேல் வைத்துள்ள பார்வை, குழந்தைகளின் வேறு கனவுகள் இதைப் பற்றி பேசும் படமே இந்த ஹீரோ. .. !

நடிகர்களின் பங்களிப்பு  

சிவ கார்த்திகேயன் நல்ல கதையை தேர்ந்தெடுத்து நடித்துள்ளார்.. ஆனாலும் கொஞ்சம் அடக்கி வாசித்துள்ளார்.  படத்தின் ஹீரோ அர்ஜுன் தான் என்று சொல்லும் அளவுக்கு அவருக்கு நல்ல கதாபாத்திரம் தன் நடிப்பு மற்றும் ஆக்ஷனில் சிறப்பாக செய்துள்ளார்.

நாயகி கல்யாணி பிரியதர்ஷன் தமிழுக்கு சிறந்த அறிமுகம் என்றாலும் நடிப்பதற்கு வாய்ப்பு குறைவு. 

இவானா மற்றும் அழகம் பெருமாள் தங்களுது நடிப்பில் கவர்கிறார்கள்.

கார்ப்பரேட் வில்லனாக அபய் தியால் - அர்ஜுனின் திட்டங்களை கண்டுபிடிப்பதிலும், தனது பிசினஸ் இக்கு போட்டியாக வர இருப்பவர்களை முன் கூட்டியே அறிந்து அவர்களின் செயல்பாடுகளை முடக்குவதில் மிரட்டியுள்ளார்.

தொழில் நுட்ப பங்களிப்பு : 

யுவன் ஷங்கர் ராஜா இசையில் பாடல்கள் ரசிக்க தவறினாலும், பின்னணி இசையில் தெறிக்க விட்டுள்ளார்.. (குறிப்பாக வில்லன் தீம் & அர்ஜுன் சண்டைக் காட்சி )

ஜார்ஜ் வில்லியம்ஸ் ஒளிப்பதிவு,  திலீப் சுப்பராயன் சண்டைக் காட்சிகள் மற்றும் வசனங்கள் படத்திற்கு மிகப் பெரிய பலம்.
குறைகள் 

தேவையற்ற நாயகன் அறிமுக பாடல் மற்றும் நாயகியுடன் டூயட் காட்சிகள் படத்துடன் ஒன்றவில்லை , இவற்றை நீக்கி இருந்தாலே படத்தின் வேகம் இன்னும் விறுவிறுப்பாக இருந்திருக்கும். மேலும் சில நம்ப முடியாத ஹேக்கிங் காட்சிகள் மற்றும் சிவாஜி, வேலாயுதம் போன்ற படங்களை நினைவு படுத்தும் கிளைமாக்ஸ் காட்சி.. சிறு குறை.
மொத்தத்தில் 

மற்றபடி இயக்குனர் மித்ரன்  வலுவான வசனம் மற்றும் கதைக் களத்துடன் -  இக்கால கல்வி முறையை கையாண்டு இருப்பதற்கு சபாஷ் போடலாம் .

ஹீரோ - நம் சூப்பர் ஹீரோ (3.5/5) - குடும்பத்துடன் ரசிக்கலாம்

Post a Comment

0 Comments